Қўшимча функционаллар
-
Тунги кўриниш
Ким Чен Иннинг акасини ўлдиришда айбланган вьетнамлик аёл озодликка чиқди
Фото: TASS/imago/Xinhua
Малайзияда КХДР етакчиси Ким Чен Иннинг акаси Ким Чен Намни ўлдиришда айбланган вьетнамлик Доан Тхи Хионг озодликка чиқди. Бу ҳақда Reuters агентлиги хабар берди.
30 ёшли аёлнинг адвокати у Малайзияга қайтиб келишини маълум қилди.
Малайзия олий суди 1 апрель куни Доан Тхи Хионгга нисбатан қўйилган қасддан қотиллик қилиш айбловини соғлиққа ўлимга олиб келувчи шикаст етказиш айбловига ўзгартирди. Натижада у уч йил тўрт ойга озодликдан маҳрум қилинди. Адвокатнинг айтишича, унинг ҳибсда бўлиб турган муддати ҳисобга олинган. Март ойида ушбу ишдаги яна бир гумонланувчи, индонезиялик 26 ёшли Сити Айсиа озодликка чиқарилганди.
Ким Чен Нам 2017 йил 13 февралда Куала-Лумпур аэропортида кимдир унинг юзига номаълум суюқлик сепганидан сўнг бош айланишидан шикоят қилган ва касалхонага олиб кетилаётганида йўлда вафот этган. Малайзия ҳукуматининг билдиришича, ўлимга асабни фалажловчи VX моддаси сабаб бўлган.
Мавзуга оид
16:52 / 17.02.2025
Малайзияда аёл оиласи билан кўпроқ вақт ўтказиш учун ишга ҳар куни самолётда қатнаяпти
16:35 / 07.02.2025
Малайзия ва Индонезия зиёратчилари учун Ўзбекистонда “Умра плюс” турпакети йўлга қўйилади
11:15 / 07.02.2025
Ўзбекистон ва Малайзия муҳим ресурслар соҳасидаги лойиҳалар бўйича келишувга эришди
18:27 / 06.02.2025