Қўшимча функционаллар
-
Тунги кўриниш
Акихито Япония императори сифатида охирги марта омма олдида кўриниш берди
Фото: Reuters
Япония императори Акихито тахтдан воз кечиш олдидан рафиқаси Митико билан охирги марта император сифатида омма олдида кўриниш берди. Улар атроф-муҳит ҳимоячилари ва табиатни ўрганишда катта ютуқларга эришган олимларни тақдирлаш маросимида иштирок этишди.
30 апрелда Акихитонинг тахтдан воз кечиши расмий маросими бўлиб ўтади. Бунгача 85 ёшли император ўзининг Токио марказидаги сарой мажмуасида дам олади. Акихитонинг тахтдан воз кечиш маросимида ҳукумат, парламент ва олий суд вакиллари иштирок этади. Шунингдек, мамлакат бош вазири Синдзо Абэ иштироки кутилмоқда.
Тахтни Акихитонинг тўнғич ўғли – 59 ёшли валиаҳд шаҳзода Нарухито эгаллайди. Янги императорнинг тахтга ўтириши тантанали маросими 1 май куни Токиода бўлиб ўтади.
Императорнинг тахтдан воз кечиши охирги 200 йил ичидаги биринчиси бўлади. Охирги марта бундай воқеа 1817 йилда юз берган. Шундан кейин тахт янги императорга аввалгисининг ўлимидан кейингина ўтиб келган. Бироқ Акихитонинг ёши кексалиги инобатга олиниб, унга истисно тариқасида махсус қонун билан тахтдан воз кечишга рухсат берилди.
Акихито Япониянинг 125-императори ҳисобланиб, у тахтни 1989 йилда отаси император Хирохито вафотидан кейин эгаллаган.
Мавзуга оид
11:30 / 12.03.2025
Японияда давлат хизматчилари ишга беш дақиқа олдин келишга мажбурлангани учун 67 минг доллар компенсация олди
05:00 / 11.03.2025
Япония стратегик захиралардаги гуручни сотиш бўйича биринчи аукционни ўтказди
22:17 / 10.03.2025
КХДР Япониядан 1945 йилда ўлдирилган корейсларнинг қариндошларидан кечирим сўрашни талаб қилди
22:07 / 10.03.2025