Фото: Комедия қироли - Эльдар Рязанов таваллуд топганига 90 йил тўлди

18 ноябрь куни россиялик машҳур кинорежиссёр Эльдар Рязанов таваллуд топганига 90 йил тўлди. Унинг тўла метражли кинодаги дебютига «Баҳорги овозлар» фильми айланганди. Бироқ Рязановга ҳақиқий машҳурлик 1956 йилда экранларга чиққан «Карнавал туни» картинасидан сўнг келди. Фильм Людмила Гурченко ва Юрий Беловни «юлдузлар»га айлантирди, Рязанов эса Советлар Иттифоқи давридаги энг кучли комедиографлардан бири сифатида эътироф этила бошланди. «Омад зигзаги», «Гараж», «Гусарча баллада», «Ишдаги ишқ» ва албатта «Тақдир ҳазили, ёки қушдек енгил бўлинг» - бу Эльдар Александрович томонидан бир неча ўн йил ижодий фаолиятидаги энг машҳур фильмлардан фақат баъзилари. Рязанов нафақат комедия жанрининг кўп қиррали ва универсал эканини кўрсатиб берди, балки бошқа «ҳудудларда» ҳам муваффақиятли ишлади – Александр Островскийнинг «Сепсиз қиз», Лариса Гузеева ва Никита Михалков иштирокидаги «Шафқатсиз романс» картиналари унинг энг яхши ишларидан бирига айланди.