Путин Россиянинг энг юқори ташкилотларидаги қатор амалдорларни ишдан бўшатди

Фото: Kommersant

Россия президенти Владимир Путин давлат раҳбари ишлар бошқармаси, Федерал хавфсизлик хизмати, Мудофаа вазирлиги ва Ички ишлар вазирлигининг қатор ходимларини вазифасидан озод этди, деб хабар бермоқда Кремль матбуот хизмати.

Унга кўра, ФХХда бошқарма бошлиғи, президент ишлари бошқармаси бўлими раҳбар ўринбосари, Мудофаа вазирлигининг ҳарбий-тиббий бош бошқармаси раҳбари ва Ички ишлар вазирлиги тергов департаменти бошлиғи ҳамда вазир ўринбосари бўлган амалдор ишдан бўшатилди.

Бундай кадрлар алмашинуви бу давлат хизматчиларининг Россия фанлар академиясига сайланиши билан боғлиқ, деб вазиятга ойдинлик киритган президент матбуот котиби Дмитрий Песков.

#Россия #Владимир Путин #Федерал хавфсизлик хизмати