Oliy ta’lim muassasalarida yangi o‘quv yili 9 sentabrda boshlanadi

Oliy ta’lim muassasalarida yangi o‘quv yili 9 sentabr, dushanba kunidan boshlanadi. Bu haqda oliy ta’lim, fan va innovatsiyalar vazirining 2024 yil 21 avgustdagi 321-sonli buyrug‘ida belgilandi, deb xabar berdi O‘zA.

Qayd etilishicha, Akademik litseylarda yangi o‘quv yili 4 sentabr, chorshanba kunidan boshlanadi.

Kasb-hunar maktablarida hamda kollej va texnikumlarning 2- va undan yuqori kurslari uchun yangi o‘quv yili 4 sentabr kunidan boshlanadi.

Kollej va texnikumlarning 1-kurslari uchun 2024/2025-o‘quv yilining boshlanishi bo‘yicha qo‘shimcha ma’lumot beriladi.

Avvalroq, umumiy o‘rta ta’lim maktablarida yangi o‘quv yili 4 sentabrdan boshlanishi e’lon qilingan edi.