Samsung тез орада «ҳамёнбоп» Galaxy S23-FE смартфонини чиқаради 

Таниқли Gizmochina ресурсига кўра, Samsung компанияси Galaxy S23 линияси сотуви кескин пасайгани туфайли, арзон Galaxy S23-FE смартфонини чиқаришни тезлаштиришга қарор қилди. Янги смартфон тақдимоти келаси ой бўлиб ўтиши эҳтимолдан холи эмас. 

Аммо, эҳтимолий харидорлар Qualcomm Snapdragon версиясини кутмаслиги керак. Смартфонга фақат Exynos 2200 чипи ўрнатилади. 

Агар миш-мишлар тасдиқланса, бу Galaxy S23-FE сотувига катта таъсир кўрсатиши мумкин. Гарчи янги модель Galaxy S21-FE смартфонига нисбатан самаралироқ бўлса-да, уни ҳозирги Samsung флагманлари билан таққослаб бўлмайди. Бундан ташқари, Exynos 2200 чипи фойдаланувчилар орасида унчалик яхши обрўга эга эмас. 

Samsung Galaxy S23 FE смартфони кўрсаткичлари:

- Экран: AMOLED, Full HD+, 120 Гц;

- Процессор: Exynos 2200;

- Хотира: 6/8 ГБ LPDDR5, 128/256 ГБ UFS 3.1;

- Батарея: 4500 мАч, қувватлантириш 25 Вт;

- ОТ: Android 13, One UI 5.1. 

Смартфон камерасига келсак, қуйидагилар маълум: олд камерада пиксел ўлчами 1,12um бўлган 12 мегапикселли сенсор бўлади. Асосий камера, эҳтимол, Galaxy S22/S23 каби 50 мегапикселли сенсор билан жиҳозланиши айтилмоқда. 

Galaxy S-FE моделлари фойдаланувчиларнинг фикр-мулоҳазалари асосида яратилган бўлиб, улардан энг яхши хусусиятларни ва шу билан бирга флагман моделларидан арзонроқ нархда олишни хоҳлайдиган бренд мухлисларига мўлжалланган. Масалан, 2022 йил бошида чиқарилган Galaxy S21-FE қимматроқ Galaxy S21 хусусиятларига эга бўлиб, ундан ҳам каттароқ экран ва батарея қувватига эга бўлган эди.