Лидсда курьер роботлар ишга туширилади

Лидс шаҳар кенгаши So-op ва Starship Technologiyes билан ҳамкорлик қилиб, Адел ва Тиншилл ҳудудларидаги 20 000 аҳолига мазкур хизматни таклиф қилди.

Расмийларнинг таъкидлашича, схема автомобиль билан амалга ошириладиган қисқа саёҳатлар сонини камайтиришга ёрдам беради.

Фирма маълумотларига кўра, роботлар “озиқ-овқат маҳсулотларини эшигингизга етказишнинг барқарор ва арзон усули” бўлиб, робот учун ўртача етказиб бериш фақат бир пиёла чой тайёрлаш учун чойнакни қайнатгандек кам энергия сарфлайди.

Роботлар ҳам енгил вазнга эга ва одам юриш тезлигида ҳаракатланади - 4 миля (6 км/соат)дан ошмайди.

Олти ғилдиракли роботларни байрам мавсумида буғу каби кийинтиришни режалаштирган Starship компанияси биринчи бўлиб Милтон Кейнсда схемани ишга туширди ва ўшандан бери доимий равишда кенгайиб бормоқда.

Бош ижрочи директор Аластаир Вестгартҳнинг айтишича, Лидсдаги уч ойлик синов фирманинг “Англия шимолидаги биринчи сезиларли кенгайиши” бўлган.

“Биз роботлар транспорт тирбандлиги ва углерод чиқиндиларини фаол равишда камайтириш нуқтаи назаридан ижобий таъсир кўрсатишига ишонамиз, шу билан бирга маҳаллий ҳамжамиятларга қулайлик яратади”, деди у.

Кенгаш аъзоси, Лидс шаҳар кенгашининг инфратузилма ва иқлим бўйича ижрочи аъзоси Хелен Хейденнинг таъкидлашича, технология “автомобиль билан амалга ошириладиган қисқа саёҳатлар сонини, шу жумладан етказиб берувчи транспорт воситалари орқали амалга ошириладиган саёҳатлар сонини камайтиришга” ёрдам беради.