«Афросиёб» поезди энди Даштободда ҳам тўхтаб ўтишни бошлайди

Ўзбекистонда мазкур поезд Жиззах вилояти ҳудудида икки марта тўхтаб ўтади - Жиззах вилояти маркази Жиззах шаҳрида ва Зомин туманидаги Даштобод шаҳрида.

Фото: Ўзтемирйўлйўловчи

2022 йилнинг 17 октябр кунидан 764/763 сонли Тошкент — Самарқанд—Тошкент йўналишидаги юқори тезликда ҳаракатланувчи «Афросиёб» электропоезди Даштобод бекатида тўхтаб ўтади.

«Ўзтемирйўлйўловчи» матбуот хизмати хабарига кўра, шу мақсадда Даштобод бекатида чиптахона ва кутиш зали ташкиллаштирилади.

Ҳаракат жадвали қуйидагича:

764-сонли поезд Тошкент соат 8:25 да — Даштобод соат 9:32 да - соат 09:34 да — Самарқанд соат 10:38 да;
763-сонли поезд Самарқанд соат 16:11 да — Даштобод соат 17:14 да - соат 17:16 да — Тошкент соат 18:25 да.

#Афросиёб #Даштобод