BRIKS mamlakatlari yagona valuta yaratish masalasini muhokama qilmayapti. Bu haqda Rossiya prezidenti matbuot kotibi Dmitriy Peskov 31 yanvar, juma kuni AQSh prezidenti Donald Trampning xalqaro to‘lov vositasi sifatida AQSh dollaridan voz kechganlik uchun 100 foizlik bojlar joriy etish bo‘yicha tahdidi fonida ma’lum qildi.

«BRIKS umumiy valuta yaratish haqida gapirmayapti. BRIKS uchinchi mamlakatlarga sarmoya kiritish, o‘zaro investitsiyalar va hokazolarga imkon beradigan yangi qo‘shma investitsiya platformalarini yaratish haqida gapirmoqda», deb tushuntirdi Kreml. Peskov ekspertlarni BRIKS kun tartibini Oq uy rahbariga «batafsilroq» tushuntirishga chaqirdi.

AQSh prezidenti BRIKSga tahdid qildi

Tramp 30 yanvar kuni yana BRIKS mamlakatlariga 100 foizlik bojlar joriy qilish va agar ular AQSh dollaridan xalqaro to‘lov vositasi sifatida voz kechishsa, AQSh bozorini yo‘qotishi ehtimoli bilan tahdid qildi. Oq uy rahbari ushbu mamlakatlardan BRIKSning yangi valutasini yaratmaslik yoki dollar o‘rnini bosuvchi boshqa valutani qo‘llab-quvvatlamaslik majburiyatini talab qildi. Respublikachilar birinchi marta 2024 yilning noyabrida BRIKSga yuqori tariflar qo‘yish bilan tahdid qilgan edi.

Ayni paytda, Hindiston Trampning so‘zlari fonida, xalqaro to‘lov vositasi sifatida dollarni almashtirishni rejalashtirmaganini ta’kidladi. «Dollar masalasida, dedollarizatsiya masalasida, bizning tashqi ishlar vazirimiz bizda bunday siyosat yoki strategiya yo‘qligini aniq aytdi», — deya Nyu-Dehlidagi TIV vakilining so‘zlaridan iqtibos keltirgan Reuters.