O‘zbekiston Respublikasi prezidenti Shavkat Mirziyoyevning Qoraqalpog‘iston Respublikasiga tashrifi davom etmoqda, deb xabar berdi davlat rahbari matbuot xizmati.

Bugun davlat rahbari tashrifni Nukus shahrida yangi qurilgan Ibroim Yusupov nomidagi maktab-internati faoliyatining tanishuvidan boshladi. Prezidentning tashabbus va ko‘rsatmalari asosida bunyod etilgan mazkur ta'lim muassasasi barcha zamonaviy talablarga ega bo‘lib, bu yerda o‘quvchilar uchun qulay sharoitlar yaratilgan. 

Shavkat Mirziyoyev shu yerning o‘zida bir guruh iqtidorli o‘quvchilar, ta'lim dargohi o‘qituvchilari bilan samimiy muloqot qildi.