Nigeriyaning hukumat kuchlari “Boko Harom” nazoratidagi hududlarda bir qator operatsiyalar o‘tkazib, kamida 220 jangarini qo‘lga oldi. Bu haqda Nigeriya armiyasining rasmiy vakili Oniyema Nvachukvu ma'lum qilgan.
“Qo‘shinlar Chad ko‘li hududida 167, Borno shtatida esa 53 jangarini qo‘lga olgan”, deb ma'lum qilgan Nvachukvu. Bundan tashqari, reydlar davomida jangarilarning oila a'zolari bo‘lgan 67 ayol va 173 bola ozod qilingan.