Chingizxonning suratini toptab tashlagan shaxs qamaldi

Jahon 11:47 / 16.12.2017 22810

Xitoyning Ichki Mo‘g‘uliston muxtor tumani sudi 2017 yilning may oyida qadimiy hukmdor Chingizxonning suratini toptab tashlagan va o‘z xatti-harakatlari aks etgan videoni internetda joylashtirgan erkakni bir yilga ozodlikdan mahrum qildi.   

Mahalliy rasmiylarning so‘zlariga ko‘ra, shundan so‘ng bir necha fuqaro video bo‘yicha politsiyaga darhol xabar yo‘llagan. Yakunda, 13 dekabr kuni ma'lum qilinishicha, Lo familiyali yosh yigit etnik prinsip bo‘yicha nifoqqa da'vat etuvchi xatti-harakatlari uchun javobgarlikka tortildi. Sudlanuvchi sud yig‘ilishi davomida o‘z qilmishi uchun uzr ham so‘ragan, deb xabar bermoqda Channel News Asia portali.

Mo‘g‘ullar imperiyasi asoschisi Chingizxon nafaqat Mo‘g‘ulistonning o‘zida, balki undan tashqarida ham etnik mo‘g‘ullar orasida katta nufuz va hurmatga ega. 

Xitoyning “Veybo” mikrobloglar tarmog‘idagi qator foydalanuvchilar esa Loga chiqarilgan hukmdan norozilik bildirishdi. Ta'kidlanishicha, Xitoy qonunchiligi bu sohada ancha tushunarsizdir. Shuningdek, hukumat “Mo‘g‘ullar imperiyasi qonunlari”ga ko‘ra ishlarni olib borishda ayblangan.

Ko‘proq yangiliklar: