Ayni paytda O‘zbekiston Respublikasi Prezidenti Shavkat Mirziyoyev raisligida yer resurslari, geodeziya va kadastr sohasida amalga oshirilayotgan islohotlar natijadorligiga bag‘ishlangan yig‘ilish bo‘lib o‘tmoqda. Bu haqda prezident matbuot xizmati xabar berdi.

Yig‘ilishda «Yergeodezkadastr» davlat qo‘mitasi faoliyatini takomillashtirish, yer resurslari, geodeziya, kartografiya va davlat kadastri sohasida munosabatlarni kompleks tartibga solish, yerlardan oqilona va samarali foydalanishni tashkil etishda ta'sirchan nazoratni ta'minlash, soha uchun malakali kadrlar tayyorlash  masalalari, tizimda hal etishni talab qiladigan ko‘plab muammolar ko‘rib chiqilmoqda.