8-14 dekabr kunlari Dubay shahrida yengil atletika, suzish va pauerlifting sport turlari bo‘yicha Yoshlar o‘rtasida Para-Osiyo o‘yinlari bo‘lib o‘tmoqda. Paralimpiya qo‘mitasi matbuot xizmatining xabar berishicha, mazkur musobaqaning ilk kunlaridanoq hamyurtlarimiz sportning suzish turi bo‘yicha ishtirok etib, O‘zbekiston hisobiga 2 ta oltin medalni kiritishdi. Bular:
Abduraimov Muhammad - 100 m (batterflay) (1:02.20)
Yangiboyev Akbar - 100 m (chalqancha) (1:12.86)
Mazkur yoshlar Para-Osiyo o‘yinlarida 30 davlatdan 800 nafarga yaqin sportchi 7 paralimpiya sport turi bo‘yicha bahs olib bormoqda. Shulardan 17 nafari O‘zbekiston Milliy Paralimpiya terma jamoasidan bo‘lib, vatanimiz sharafini munosib himoya etishmoqda.