Dunyodagi eng mashhur motivatsion murabbiy, inson imkoniyatlari naqadar cheksiz ekanini isbotlab keluvchi Nik Vuychich 4 dekabr kuni 35 yoshga to‘ldi. Serb muhojirlari oilasidan chiqqan Nik Avstraliyada kamyob genetik kasallik bilan dunyoga keldi. Shuning uchun uning qo‘llari va oyoqlari yo‘q. Shunday bo‘lsa-da, kasallik unga yurish, suzish, skeytbord va serfing taxtasida uchish, kompyuter klaviaturasini boshqarish va yozishni o‘rganishiga to‘sqinlik qila olmadi. U buxgalterlik hisob-kitobi va moliyaviy rejalashtirish sohasida ta'lim oldi, ammo uning haqiqiy missiyasi - sonlarni qo‘shib ayirish emas, insonlarga ilhom baxsh etish. 1999 yildan u cherkovlar, maktablar va yetimxonalarda nutq so‘zlay boshlagan, odamlarga iroda kuchi va hayot mazmuni haqida so‘zlagan. Bugungi kunga kelib esa, u maktab zallari emas, butun bir stadionlarni yig‘moqda. Nik Vuychich — besh kitob muallifi, "Kapalaklar sirki" filmi qahramoni, baxtli umr yo‘ldoshi va ota. U besh yil avval Kanae Miyaxar bilan oila qurgan: hozirda juftlikning ikki farzandi bor, yaqin orada ular egizak farzandli bo‘lishi kutilmoqda. Nik Vuychichning hayoti suratlarda...
Nik Vuychich 2012 yilning 12 fevralida uylangan. Suratda turmush o‘rtog‘i Kanae va o‘g‘illari Kiyesi (2013) va Deyan (2015) bilan
2017 yilning iyunida Nik va Kanae egizak farzand kutishayotgani ma'lum bo‘ldi
Nik Vuychich Moskvada, 2015 yilning 28 marti
Nik Vuychich XIX Jahon yoshlar va talabalar festivali doirasidagi matbuot anjumanida, 2017 yilning 18 oktabri
Nik Vuychich Shanxayda, 2017 yilning 10 sentabri
Nik Vuychichning Budapeshtdagi chiqishi, 2016 yilning 23 sentabri