Braziliyaning Portu-Alegri shahrida mahalliy «Gremio» va Argentinaning «Lanus» klubi o‘rtasidagi Libertadores kubogi finalining ilk uchrashuvi o‘z yakuniga yetdi. Mezbonlar ushbu uchrashuvda 1:0 hisobida g‘alaba qozonishdi.
Bellashuvda hal qiluvchi golni Sisero kiritdi, u bahs yakunlanishidan biroz avval o‘z nomini tabloga yozdirib qo‘ydi – yarim himoyachi maydonda paydo bo‘lganidan 11 daqiqa o‘tib gol urgan. Har ikki jamoa umumiy hisobda yetti marta ogohlantirish oldi.
Jamoalar o‘rtasidagi javob uchrashuvi Argentinada 30 noyabr kuni bo‘lib o‘tadi.