Indoneziyaning Banten viloyati Tangerang shahrida joylashgan pirotexnika vositalari (mushak-raketalar) tayyorlanadigan zavodda portlash ro‘y berdi. Oxirgi ma'lumotlarga ko‘ra, portlash qurbonlari soni 47 nafarni tashkil qilmoqda. Shuningdek, o‘nlab kishilar jarohatlangan holda shifoxonaga yotqizilgan.
Mahalliy nashrlarda yozilishicha, qurbon bo‘lganlarning barchasi zavod ishchilari edi.
Hozircha hodisa sabablari ma'lum emas. O‘t o‘chirish xizmati xodimlari zavod binosi portlash va undan keyin boshlangan yong‘in tufayli butunlay yakson bo‘lgani haqida ma'lum qilishgan.
Ushbu zavod 6 hafta ilgari ish boshlagan edi.