Germaniyada 2017 yilning yanvaridan boshlab terrorizm bilan bog‘liq 900 ish qo‘zg‘atildi. Ularning aksariyati - 800ga yaqini islom dini bilan niqoblangan jinoiy ishlar, qolgani esa - chap yoki o‘ng radikal asosga ega. Bu haqida Germaniyaning Die Welt gazetasi mamlakat Bosh prokuraturasiga asoslanib xabar berdi. 

Shuningdek mamlakatda statistikaning sezilarli darajada oshishi kuzatilgan - 2016 yilda GFRda terroristik faoliyatga doir 250 ish qo‘zg‘atilgan. 

"Adliya organlari islomni niqob qilganlarga jazo belgilash uchun turli huquqiy imkoniyatlarga ega, - dedi Germaniya liberal-demokratik partiyasining rais o‘rinbosari Volfgang Kubikki. - Biroq adliya organlarining juda bandligi sabab bizga ham prokuratura organlarida, ham sudlarda ko‘proq xodimlar talab qilinadi. Agar ekstremistlar Germaniya fuqarosi bo‘lmasa, ularni mamlakatdan deportatsiya qilish majburiy chora bo‘lishi kerak".