Mirzo Ulug‘bek tuman IIB HPB profilaktika inspektorlari tomonidan qo‘shmachilik bilan shug‘ullangan erkak qo‘lga olindi.

Bu haqda KUN.UZ’ga IIV Huquqbuzarliklar profilaktikasi bosh boshqarmasi xabar berdi.

M.Ulug‘bek tumanida 14 oktabr kuni soat 21.00da, "Oriyat" tadbiri davomida, 1970 yilda tug‘ilgan, Yalang‘och dahasi 17-uyda yashovchi Sh.R. 20.000 so‘m pul evaziga, o‘z uyida, 1988 yilda tug‘ilgan, Pilla-2 ko‘chasida yashovchi Yu.Sh. va 1998 yilda tug‘ilgan, Toshkent viloyati, Zangiota tumani, Mustaqillik ko‘chasida yashovchi E.R.ga jinsiy aloqa qilishlari uchun sharoit yaratib berganligi aniqlanib, ushlandi. Daliliy ashyo sifatida 20.000 so‘m olingan.

Mirzo Ulug‘bek tuman IIB tomonidan fuqaro Sh.R.ga nisbatan O‘zbekiston Respublikasi JKning 131-moddasi 2-qismi bilan jinoyat ishi qo‘zg‘atildi.