Bundesliganing 8-turi doirasida Dortmundning «Borussiya» klubi «RB Leyptsig»ni qabul qildi va 2:3 hisobida mag‘lubiyatga uchradi.
O‘yinning 4-daqiqasida Per-Emerik Obameyyang «Borussiya»ni oldinga boshlagandi. «RB Leyptsig» tezda hisobni tenglashtirdi — 10-daqiqada Marsel Zabittser aniq harakat qildi. 25-daqiqada mehmonlar oldinga chiqib olishdi — Yussuf Poulsen gol muallifi. Ikkinchi bo‘lim boshida mezbonlar himoyachisi Sokratis Papastatopulos qizil kartochka olib maydondan chetlatildi, u ishlatgan qo‘pollikdan keyin belgilangan penaltini Jan-Kevin Ogusten aniq ijro etdi va hisob — 3:1.
56-daqiqada jamoalar o‘yinchilar soni bo‘yicha tenglashdi — 2 daqiqa ichida 2 marta sariq kartochka ishlagan Shtefan Ilzanker maydondan chiqarib yuborildi. «Borussiya» faqat bitta javob goli ura oldi — 64-daqiqada Obameyyang penaltidan hisobni qisqartirdi.
Shu tariqa, «Borussiya» chempionatning yangi mavsumida ilk marta mag‘lubiyatga uchradi, ammo jamoa hamon birinchi o‘rinda qolmoqda. Ikkinchi o‘rindagi «Bavariya» 2, uchinchi o‘rindagi «RB Leyptsig» 3 ochko ortda qoldirilgan.
Bundesliga, 8-tur
Borussiya D – RB Leyptsig 2:3 (1:2, 1:1)
Gollar: 1:0 – 4 Obameyang, 1:1 – 10 Zabittser, 1:2 – 25 Poulsen, 1:3 – 49, penalti Ogyusten, 2:3 – 64, penalti Obameyang.
Borussiya D – Byurki, Tolyan (Pulishich, 46), Papastatopulos, Toprak, Zagadu, Kastro, Shaxin (Vaygl, 46), Gettse, Yarmolenko, Obameyang, Filipp (Bartra, 51).
RB Leyptsig – Gulachi, Bernardo, Ilzanker, Upamekano, Xalstenberg, Kampl, Keyta (Demme, 46), Zabittser (Orban, 86), Bruma, Poulsen, Ogyusten (Laymer, 65).
Ogohlantirishlar: Keyta (15), Bernardo (30), Byurki (48), Ilzanker (54), Gettse (72), Demme (83).
Chetlatishlar: Papastatopulos (47), Ilzanker (56).
Haynkesning ilk o‘yinida «Bavariya» yirik hisobda zafar quchdi
Bundesligada shanba oqshomidagi boshqa o‘yinlar natijalari
Bundesliga turnir jadvali
