Rossiyaning Birinchi kanalidagi «Vaqt ko‘rsatadi» tok-shousi boshlovchisi Artyom Sheynin ko‘rsatuv davomida dastur mehmoni, amerikalik jurnalist Maykl Bomga tashlanib qoldi.

Ko‘rsatuv Rossiyaning San-Frantsiskodagi bosh konsulligidan davlat bayroqlarini yechishga bag‘ishlangandi. Dastur davomida Bom Sheyninning so‘zini uzib qo‘yadi, bunga javoban esa u amerikalik jurnalistning kostyumidan ushlab oldi va «provokatsiya qilmaslikni» qat'iy tavsiya qildi. 

Vaziyatga Sheyninning hamkasbi Yekaterina Strijyenova hamda ko‘rsatuv mehmoni Frants Klintsevich ham aralashgan.