Сурхондарёда гугурт қутиларга жойланган марихуана аниқланди

Жамият 13 Октябрь 2017 6821

Ўзбекистон Республикаси ИИВ Жиноят қидирув бош бошқармаси Гиёҳвандлик воситалари билан қонунга хилоф равишда муомала қилишга қарши курашиш бошқармасидан олинган маълумотга кўра, жорий йилнинг 1 октябрь куни, Сурхондарё вилояти ИИБ тезкор ходимлари томонидан Денов туманида яшовчи муқаддам судланган 49 ёшли шахс марихуана гиёҳвандлик воситасини сотаётган вақтида ушланган. 

Бу ҳақда Ўзбекистон Республикаси Ички ишлар вазирлиги матбуот хизмати хабар берди.

Ушланган шахснинг уйидан гугурт қутиларига ҳамда қоғоз парчаларига қадоқланган жами 2 кг. 77 гр. марихуана гиёҳвандлик воситаси ашёвий далил сифатида олинган. 

Ҳолат юзасидан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилган.