2 та қопда 30 кг.дан ортиқ марихуана топилди

Жамият 13 Октябрь 2017 3836

Ўзбекистон Республикаси ИИВ Жиноят қидирув бош бошқармаси Гиёҳвандлик воситалари билан қонунга хилоф равишда муомала қилишга қарши курашиш бошқармасидан олинган маълумотга кўра, жорий йилнинг 3 октябрь кунига ўтар кечаси, Тошкент вилоятининг Олмалиқ шаҳрида ҳаракатланиб кетаётган ВАЗ-2109 русумли автомашина ички ишлар ходимлари томонидан тўхтатилиб текширилган. Бу ҳақда Ўзбекистон Республикаси ИИВ матбуот хизмати хабар берди.

Автомашинада бўлган Олмалиқ шаҳрида яшовчи уч нафар 19, 25, 27 ёшдаги шахслардан 2 та қопга жойланган жами 30 кг. 773 гр. марихуана гиёҳвандлик воситаси ашёвий далил сифатида олинган. 

Мазкур ҳолат юзасидан Ўзбекистон Республикаси Жиноят кодексининг 276-моддаси 3-қисми билан жиноят иши қўзғатилган.