Bugun 25 sentabrda Bryusselda Buyuk Britaniyaning YeI tarkibidan chiqishiga bag‘ishlangan to‘rtinchi va so‘nggi bosqich muzokaralari boshlanadi. Ikki tomon ham 28 sentabrgacha davom etadigan muzokaralardan katta umid qilayotganini bildirishdi. Bunga 2 ta sabab bor: birinchidan, so‘nggi kunlarda London va Bryussel muzokaralar boshlanganidan buyon ilk marotaba jiddiy qadam tashladi, ikkinchidan, mazkur bosqich YeIning 19-20 oktabridagi sammiti oldidan so‘nggi va hal qiluvchi bosqichi bo‘lishi kerak. 

Sammitga qadar tomonlar muzokaralarning ajralib chiqish masalasiga bag‘ishlangan birinchi davrini yakunlashi va o‘zaro munosabatlar qoidalarini aniqlab beruvchi ikkinchi bosqichiga o‘tishi kerak. 

Umuman, Bryussel va London zarurat paydo bo‘lsa oyning oxirgi haftasida yana bir marta to‘planib, YeIning oktabr oyidagi sessiyasi avvalida qisqa uchrashuvni tashkil etishi mumkin.