Odamlar yashaydigan 14 noyob uy (fotojamlanma)

Light 16:00 / 17.09.2017 61560

G‘aroyib uylarni qurish imkoniyatlari turganda zerikarli beton "qutilar"da yashashga ne hojat? Bu savolga javobni hamma o‘zicha izlaydi. Dunyoda ko‘rimsiz standartlarga rioya qilmaslikka qaror qilgan odamlar ham bor, ular o‘zlari uchun misli ko‘rilmagan uylarni barpo qilishgan. Trendymen 14 noyob uy suratlari va ular haqidagi ma'lumotlar bilan bo‘lishdi.

G‘ordagi uy

Shveytsariya

Foto: Trendymen

G‘orda yashash qadimgi odamlarga xos bo‘lgan, biroq bugungi kunda ham bunday g‘aroyib joyda yashashni xush ko‘ruvchilar topiladi. Bu uy Shveytsariyadagi kichik Vals qishlog‘ida qurilgan va barcha zarur qulayliklar bilan jihozlangan.

 

Shaffof uy

Yaponiya

Foto: Trendymen

Butkul shishali uy Yaponiyada qurilgan. Unda birovdan yashirinishga urinmaydigan odamlar muntazam ravishda yashab kelishadi - uyda nimalar bo‘layotganini tashqaridan  bemalol kuzatish mumkin.

 

Daraxtdagi sferik uy

Kanada

Foto: Trendymen

Kanadaliklar daraxtdagi klassik uy g‘oyasini olib, uni keyingi bosqichga olib chiqishgan - yog‘och kulba ultratexnologiyali sferik uyga aylantirilgan.

 

G‘ordagi uy

AQSh

Foto: Trendymen

Tog‘lar orasida qurilgan yana bir uy Missuri shtatida joylashgan. U me'morlik mo‘'jizasini ko‘rishga tashrif buyuruvchi sayyohlar orasida juda mashhur.

 

Tosh-uy

Portugaliya

Foto: Trendymen

Yuz yilcha avval ismi noma'lum portugaliyalik ishbilarmon ikki ulkan tosh orasida uy qurgan. Bugungi kunda tosh-uy dunyoning eng diqqatga sazovor obidalari qatoriga kiradi va minglab sayyohlarni o‘ziga jalb qilib keladi. Tosh-uyda odamlar doimiy istiqomat qilib keladi - yuz yildan oshiq vaqt davomida bu yerda elektr energiyasi va issiq suv paydo bo‘lgan.

 

Daryo ustidagi uy

Serbiya

Foto: Trendymen

Daryodagi uy — yolg‘izllik va sokinlik istaganlar uchun mukammal joy. Serbiyadagi Drina daryosi o‘rtasidagi tosh ustiga qurilgan bu uy noyob ko‘rinishga ega bo‘lish bilan bir qatorda yashash uchun qulayliklar bilan ham ta'minlangan.

 

Chig‘anoq-uy

Meksika

Foto: Trendymen

Chig‘anoq shaklida bunyod etilgan bu ertaknamo uyda kichik yoshli farzandlari bo‘lgan oila yashaydi. Bunday ajoyib uy o‘z egalariga zavq bag‘ishlaydi.

 

Teskari uy

Rossiya

Foto: Trendymen

Ko‘zlaringiz sizni aldamayapti - teskari uy haqiqatan mavjud, u Krasnoyarskda joylashgan.

 

Qoyatoshdagi uy

Ruminiya

Foto: Trendymen

Yumshoq tog‘ jinsining o‘zidan ishlangan qadimiy uy Ukraina va Ruminiya chegarasidagi Bukovina hududida joylashgan.

 

Quyoshli uy

Fransiya

Foto: Trendymen

Strasburgda joylashgan bu g‘aroyib uy quyosh soatlari kabi harakatlanish uchun yaratilgan. U yozda soyada qolib ketib, qishda esa oftobga yo‘naladi.

 

Halokat yoqasidagi uy

Shveytsariya

Foto: Trendymen

Uy Shveytsariya tog‘larida, dengiz sathidan bir necha kilometr balandlikda qurilgan. U nafaqat boshni aylantiradigan tepalikda joylashgan, balki unda yashovchilar uchun ham ancha xavfli - uyning ichiga kirish uchun jarlik ustidagi ingichka yo‘ldan o‘tish kerak bo‘ladi.

 

Qamish-uy

Polsha

Foto: Trendymen

Ikki bino o‘rtasidagi ingichka kulrang chiziqni ko‘ryapsizmi? Aslida bu kengligi bir metrdan-da kichik bo‘lgan to‘laqonli uydir.

 

Yolg‘iz uy

Islandiya

Foto: Trendymen

Ushbu kichik uy Islandiyadagi Ellidey orolida joylashgan. Uy bir qarashda yolg‘iz qolgandek tasavvur uyg‘otsa-da, sershovqin qo‘shnilarni yoqtirmaydiganlar uchun ayni muddaodir.

 

Po‘lat uy

Texas

Foto: Trendymen

Uy egasi Robert Bruno Texas shtatidagi ushbu uyni qurish uchun 23 yil sarfladi. Unga 110 tonnaga yaqin po‘lat ishlatilgan.

Ko‘proq yangiliklar: