Porsche 917 mashinasi 14 mln dollarga sotildi

Jamiyat 09:54 / 20.08.2017 5891

1971 yilda suratga olingan va bosh rolni aktyor Stiv MakKuin ijro etgan mashhur “Le-Man” filmida ishtirok etgan Porsche 917 sportkari auksionda 14,08 mln dollarga sotildi. Bu Porsche brendi uchun rekord summa bo‘ldi.

Filmda “Le-Man 24 soati” poygasida yuz beradigan voqealar haqida so‘zlanadi. Filmda 1970 yildagi haqiqiy poyga lavhalaridan foydalanilgan. Aynan shu yili Porsche mashinasi bu poygada birinchi marta g‘alaba qozongan.

Avval bu mashina “Le-Man 24 soati” va Formula-1” poygalarida ishtirok etgan shveysariyalik sobiq poygachi Yo Ziffertga tegishli bo‘lgan. 2002 yilda mashina restavratsiya qilingach, undan biror marta foydalanilmagan.

Ko‘proq yangiliklar: