Kanadaning Vankuver shahrida irqchilikka qarshi namoyish bo‘lib o‘tdi. CBC telekanalining xabar berishicha, shahar kengashi binosi oldida o‘tgan aksiyada 4 mingga yaqin kishi ishtirok etgan.
OAV ma'lumotlariga ko‘ra, aksiya davomida namoyishchilar va ularning raqiblari o‘rtasida keng ko‘lamli ziddiyatlar kuzatilmagan. Vaziyat murakkablasha boshlaganda politsiya aralashib, olomondan bir necha kishini olib chiqqan.
Manbaga ko‘ra, namoyish qatnashchilarining qo‘llarida "Mehr-muhabbat bilan yashang" va "Xilma-xillik - kuch" kabi yozuvlar tushirilgan plakatlar bo‘lgan.