O‘z faoliyatiningizni O‘zbekistonning ko‘zga ko‘ringan internet nashrlaridan biri - Kun.uz’da boshlashni istaysizmi? Ishga chanqoq, mas'uliyatli va o‘z sohasining ustasimisiz? Unda quyidagi e'lon aynan siz uchun.
Korrektor
Vazifasi: Saytda e'lon qilinishi lozim bo‘lgan xabar, maqola va turli materiallarning orfografik va grammatik to‘g‘ri yozilganini tekshirib boradi.
Talablar: O‘zbek tilining orfografik va grammatik qoidalarini mukammal bilishi, yuqori savodxonlik, mas'uliyatni his eta bilish hamda punktuallik.
Muxbir-jurnalist
Vazifasi: voqea joyidan reportaj tayyorlash, turli shaxslar bilan intervyu va suhbatlar uyushtirish va sohasi doirasida boshqa topshiriqlarni bajarish.
Talablar: Yuqori savodxonlik, ishga mas'uliyat bilan yondashuv, kompyuter va internetda ishlash malakasi hamda chet tilini bilish.
Eng asosiy talablar: Yuqorida ko‘rsatilgan vazifalarda mehnat faoliyatini yuritishni istovchilar 25-40 yosh orasida, 5 yillik ish tajribasiga ega bo‘lishlari va to‘liq shtatda ishlashlari so‘raladi. O‘rindoshlik asosida ishlashni istovchilar nomzodi qabul qilinmaydi.
Taklif:
– olti kunlik ish kuni;
– ishga chanqoq va ahil jamoa;
– metroga yaqin joyda joylashgan ofis;
– bepul tushlik;
– 1,5 mln so‘mdan boshlangan maosh.
O‘zingiz haqdagi ma'lumotnomani info@kun.uz elektron manziliga yuborish so‘raladi.