Шарлотсвиллдаги тўқнашувлар оқибатида 4 киши ҳалок бўлди

Жаҳон 13 Август 2017 5921

АҚШнинг Шарлотсвилл шаҳридаги тартибсизликлар оқибатида 4 киши ҳалок бўлди. Бу ҳақда шаҳар полицияси бошлиғи Эл Томас маълум қилди.

Қурбонлардан бири 32 ёшли аёл бўлди. Яна бир киши автомобилнинг намойишчиларга бориб урилиши оқибатида ҳалок бўлган. Автомобиль ҳайдовчиси ушланган.

Шунингдек, Шарлотсвиллдаги тартибсизликлар билан боғлиқ ҳолда полиция вертолёти фалокатга учраган ва ундаги 2 киши ҳам ҳалок бўлган.

Охирги маълумотларга кўра, 35 киши жароҳатланган. Улардан 5 нафари ўта оғир, яна 4 киши оғир аҳволда қолмоқда.