Британияда Ироқнинг Кувайтга бостириб кириши қурол сотишга яхши имконият сифатида қаралган

Жаҳон 13 Август 2017 4559

Британия ҳукумати 1990 йилда Ироқнинг Кувайтга бостириб киришини Форс кўрфази давлатларига қурол-аслаҳа сотиш ҳажмини ошириш учун “мисли кўрилмаган имконият” деб ҳисоблаган. Бу ҳақда Британия миллий архивининг ошкор қилинган ҳужжатларига иқтисоб қелтирган ҳолда The Guardian нашри хабар бермоқда.  

Тақдим қилинган ҳужжатлар орасида ўша вақтда ҳарбий харидлар бўйича вазир Алан Кларкнинг кўрфаз давлатларига сафари ҳақидаги ҳисобот бор. Бу ҳисобот Британиянинг собиқ бош вазири Маргарет Тэтчерга мўлжалланган бўлган.

“Қандай сиёсатни қабул қилмайлик, бу DESO (Британия мудофаа вазирлигининг экспорт бошқармаси) учун мисли кўрилмаган имкониятдир», деб ёзган Кларк ва бу, шунингдек, Британия учун қурол ва снарядларни синовдан ўтказиш учун ҳам имконият эканлигини таъкидлаб ўтган.

Вазир, шунингдек, Форс кўрфази давлатларига махфий разведка маълумотларининг берилиши бу давлатлар ва DESO ўртасида мустаҳкам алоқаларни ўрнатишда ёрдам беришини қайд қилиб ўтган.

Аввалроқ Британия ҳукумати инсон ҳуқуқларини бузувчи давлатлар рўйхатига киритилган 20 та давлатга қурол етказиб беришга лицензияни маъқуллаган.