Японча "Ўрмон ёмғири" усули кишини тушкунликдан қутқаради

Lifestyle 13 Август 2017 8288

EPA кузатувчилари ўтказган ижтимоий сўровномасига кўра, АҚШ фуқароларининг 93% ҳафтанинг деярли барча кунлари диққинафас хона ичида кўп вақтини ўтказади. Бу натижа инсон соғлиғига салбий таъсир ўтказувчи асосий омиллардан бири нима эканлигини аниқ кўрсатиб бермоқда. Сўнгги марта сиз қачон ўрмон табиатида бўлдингиз?

Гап шундаки, япон маданиятида "shinrin-yoku" ("Ўрмон ёмғири" деган маънода) атамаси билан номланувчи медитация жараёни инсон ўзини бахтли ҳис этиш ёрдам берар экан. Соддароқ қилиб тушунтиргада, бу кўк дарахтлар қуршовида, ёввойи табиат овози келиб турган ўрмон масканларида вақт ўтказиш билан баробар бўлади.

"Ўрмон табиатида 15 дақиқа вақт сарфлаган киши тушкунлик ва ғамдан узоқ бўла бошлайди. Бу медитация тури юрак касалликларининг кескин камайишига олиб келади", дейди Окленд шифохонаси шифокори Нушин Разони.

"Ўрмон дарахтлари қуршовида бўлиш - инсониятга табиат билан бир бутун жисм эканлигимизни ҳис этишга ёрдам беради. Ахир, биз атрофимизни қуршаб турган табиат билан ошуфта қалб эгаларимиз, уни тушунишга ҳаракат қилиш кишига завқ бағишлайди", деб фикр билдирган Сан-Францискодаги "Ўрмон ёмғири" клуби асосчиси Жулия Плевин.