Илон Маск КХДРдан ҳам хавфлироқ таҳдид ҳақида маълум қилди

Жамият 12 Август 2017 24194

SpaceX ва Tesla компаниялари асосчиси Илон Маскнинг ўз твиттерида маълум қилишича, кишилар Шимолий Кореяга қараганда кўпроқ сунъий идрокдан хавотирланишлари лозим.

«Агарда сиз сунъий идрок туфайли хавотирга тушмаган бўлсангиз, бекорга. Бу Шимолий Кореядан ҳам каттароқ хатар», - дея ёзди у.

Шу тариқа, у ўзи томонидан ташкил этилган OpenAI тадқиқотчилик лабораториясини эслаб ўтган.

Маск бир неча бор сунъий идрокларни тартибга солиш ҳақида маълум қилган, сабаби, унинг фикрича, бу соҳа жуда тезлик билан ривожланиб бормоқда, ҳамда масалага вақтида эътибор қаратилмаса, кейин кеч бўлади.

Унинг фикрича, қандайдир чораларнинг қабул қилинмаслиги инсониятга таҳдид уйғотади.

Маск март ойида Neuralink лойиҳасини ишга туширди, у инсон мияси ва сунъий идрокни махсус имплантатлар ёрдамида боғлашга ҳаракат қилади. Бизнесменнинг умид қилишича, бу сунъий идрокни назоратда ушлаб туришнинг бир усулига айланади.