«Agar Koutino «Liverpul»dan ketsa, isyon ko‘tariladi». Mojaro davom etadi

Sport 12:52 / 12.08.2017 9038

«Liverpul» sobiq himoyachisi Jyeymi Karrager yarimhimoyachi Filippe Koutinoning «Barselona»ga o‘tishi mumkinligi haqidagi xabarlarga o‘z munosabatini bildirib o‘tdi.

«Liverpul»da Koutinoga o‘rinbosar topish uchun vaqt yo‘q. Mersisaydliklarda pul ko‘p bo‘lishi mumkin, ammo ular yangi futbolchi xarid qila olmaydi. «Liverpul» Koutinoning ketishiga yo‘l qo‘yib beradi, deb o‘ylamayman. Agar u ketsa, isyon ko‘tariladi va ularning orasida men ham bo‘laman!» - deya Karragerning so‘zlarini keltiradi Sky Sports.

Eslatib o‘tamiz, oldinroq Koutino «Liverpul» rahbariyatidan o‘zini qo‘yib yuborishlarini so‘ragan va buni elektron pochta orqali klubga jo‘natgandi. Ammo hozircha jamoa uning bu iltimosini rad etgan.

Ko‘proq yangiliklar: