Bombada portlagan sirtlon Keniyadagi saylovlarni qutqarib qoldi

Jahon 22:15 / 09.08.2017 7854

Keniyada sirtlon ekstremistlar mamlakatdagi saylovlarni barbod qilish uchun o‘rnatgan qo‘lbola bombaning portlashiga sababchi bo‘ldi. Bu haqda Associated Press axborot agentligi xabar bermoqda. Lamu okrugi xavfsizlik kuchlari vakilining aytishicha, sirtlon bombani bosib olganda u portlagan. Uning aytishicha, bomba saylov komissiyasi xodimlari harakatlanadigan yo‘lda o‘rnatilgan bo‘lgan. Komissiya xodimlari ovozlarni hisob-kitob qilish uchun byulletenlarni tashishlari kerak bo‘lgan. 

Keniya hukumati iyul o‘rtasida "Ash-Shabob" ekstremistik guruhi jangarilari hujumlari sababli bir nechta okrugda komendantlik soatini kiritgan.

8 avgustda Keniyada yalpi saylovlar bo‘lib o‘tdi. Dastlabki ma'lumotlarga ko‘ra, amaldagi prezident Uxuru Keniata o‘zining yagona raqibi – muxolifat yetakchisi Railu Odinguni ortda qoldirmoqda.

Ko‘proq yangiliklar: