Estoniyada 7-18 avgust kunlari mamlakat mudofaa kuchlari va AQShning Merilend shtati milliy gvardiyasi aviatsiyasining birgalikdagi mashg‘ulotlari bo‘lib o‘tadi. Bu haqda Estoniya armiyasi bosh shtabiga iqtibos keltirgan holda RIA “Novosti” axborot agentligi xabar bermoqda.
Mashg‘ulotlarga, kutilishicha, NATO xalqaro bataloni va "Kaytseliit" ko‘ngilli harbiylashtirishgan tuzilma a'zolari jalb qilinadi.
Mashg‘ulotlarda AQShdan 10 ta A-10 Thunderbolt shturm samolyoti, 4 ta 64 Black Hawk va CH-47 vertolyoti hamda milliy gvardiyaning 270 nafar harbiy mutaxassisi ishtirok etadi. Amerikaliklar 4 avgust kuni Tallin yaqinidagi Emari aviabazasiga yetib kelishgan. Mashg‘ulotlar vaqtida Estoniya hududida Merilend shtati milliy gvardiyasi harbiy-havo kuchlari shtabi joylashadi.
Mashg‘ulotlarning asosiy qismi Tapa shahri yaqinidagi Estoniya mudofaa kuchlarining markaziy poligonida bo‘lib o‘tadi.