Ispaniyaning «Barselona» klubi prezidenti Xosep Mariya Bartomeuning fikricha, klub sobiq yarimhimoyachisi Xavi kelgusida Kataloniya jamoasi murabbiyi bo‘ladi. Futbolchi hozirda Qatarning «As-Sadd» klubida to‘p surmoqda.
«Hozir u faqat o‘ynayotgani yo‘q, balki murabbiylikni ham o‘rganmoqda. Albatta, u bir kun kelib «Barselona» murabbiyi bo‘ladi. Bilmayman, u bizning jamoalarimizdan qaysi birini boshqaradi, ammo maqsad birinchi jamoa bo‘lishi aniq.
Messi faoliyatini yakunlaganida u ham «Barselona»da qoladi. Uning o‘rnini bosa oladigan futbolchini topishimiz juda qiyin bo‘ladi», — deya Bartomeuning so‘zlarini keltiradi Football Espana.