«Yuventus» va «Bavariya» braziliyalik yarimhimoyachi Duglas Kosta transferi bo‘yicha kelishuvga erishdi. Bu haqda Sky Sport Italia nashri xabar tarqatdi.
Manba bergan xabarga ko‘ra, turinliklar jamoasi braziliyalik futbolchini 6 million yevroga ijaraga oladi. Shartnomaga kelgusida futbolchini 40 million yevro evaziga sotib olish sharti ham kiritiladi.
Duglas Kosta «Yuventus» bilan shaxsiy shartnoma borasida kelishuvga erishib bo‘lgan. Chorshanba kuni u tibbiy ko‘rikdan o‘tish uchun Italiyaga uchib kelishi kutilmoqda.