Yaponiyaning Vanila Air iqtisod-sinfdagi aviakompaniyasi imkoniyati cheklangan yo‘lovchini samolyot bortiga emaklab chiqishga majburladi, deb xabar bermoqda Kiodo agentligi.

Nogironlik aravachasida harakatlanuvchi erkak Yaponiya janubidagi Amami shahriga chipta xarid qilgan. Ro‘yxatga olish joyida esa unga mustaqil ravishda harakatlana olmaydigan kishilarga xizmat ko‘rsatish bo‘yicha sharoit yo‘q ekanini bildirishgan. Unga shunday deyishgan: “kim yura olmasa, u samolyot bortiga ham chiqa olmaydi”.

Biroq, do‘sti erkakni qo‘llarida ko‘tarib oldi va samolyotga o‘tqazib qo‘ydi. Ammo qaytish chog‘ida xodimlar u bortga mustaqil ravishda chiqa olmasligini ma'lum qilishdi va buni o‘zi bir amallab qilishi lozimligini bildirishgan. Natijada oyog‘i falajlangan erkak trapning 17 ta zinachasidan emaklab chiqdi.

Hodisa OAV tomonidan keng yoritilgach, aviakompaniya undan uzr so‘rab qo‘ya qoldi.