O‘zbekiston Respublikasi prezidenti Shavkat Mirziyoyevning 2017 yil 23 iyundagi bir qator qarorlariga muvofiq, vazirlar va qo‘mitalar raisi o‘rinbosarlari tayinlandi. Bu haqda prezidentning rasmiy sayti — president.uz’da ma'lumot berilmoqda.

Jumladan, PQ-3083-son qaroriga muvofiq Nazirov Nazirjon Tohirjonovich O‘zbekiston Respublikasi Uy-joy kommunal xizmat ko‘rsatish vazirining o‘rinbosari lavozimiga;

PQ-3084-son qaroriga muvofiq Habibullayev Sherzod Habibullaxo‘jayevich O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi raisining o‘rinbosari lavozimiga;

PQ-3085-son qaroriga muvofiq Hamzayev Abdushukur Xudoyqulovich O‘zbekiston Respublikasi O‘rmon xo‘jaligi davlat qo‘mitasi raisining o‘rinbosari — O‘rmon xo‘jaligi ilmiy-tadqiqot instituti direktori lavozimiga;

PQ-3086-son qaroriga muvofiq Qurbonov G‘olibjon Karimovich O‘zbekiston Respublikasi O‘rmon xo‘jaligi davlat qo‘mitasi raisining o‘rinbosari lavozimiga;

PQ-3087-son qaroriga muvofiq Jamolov G‘ofir Orifjonovich O‘zbekiston Respublikasi Uy-joy kommunal xizmat ko‘rsatish vazirining o‘rinbosari lavozimiga;

PQ-3088-son qaroriga muvofiq Haydarov Ahadbek Yahyobekovich O‘zbekiston Respublikasi Moliya vazirining birinchi o‘rinbosari lavozimiga tayinlandi.

Prezidentning 2017 yil 24 iyundagi PQ-3089-son qaroriga muvofiq Qudratov Laziz Shavkatovich O‘zbekiston Respublikasi Investitsiyalar bo‘yicha davlat qo‘mitasi raisining birinchi o‘rinbosari lavozimiga tayinlandi.