O‘zbekiston futbol federatsiyasi Kelishilgan o‘yinlarga qarshi kurash bo‘limi boshlig‘i Ahrol Inoyatov Xalqaro press klubda tashkil etilgan matbuot anjumanida O‘zbekiston terma jamoasi bosh murabbiyi Samvel Babayanni qo‘llab-quvvatlashga chaqirdi.
Ahrol Inoyatov. Foto: twitter/offside_uz
"O‘zbekiston terma jamoasining natijalari yaxshi bo‘lib turganida hech kim indamagandi. Natijalar yomonlashgan zahoti, hamma tanqid qilishga o‘tdi. Bunaqa qilish yaramaydi.
Terma jamoani qiyin vaqtlarda qo‘llab-quvvatlash kerak. Babayanni ham. U hozir umuman o‘zida emas. O‘zini yo‘qotib qo‘ygan. Hattoki qochib yuribdi. Shunga majbur bo‘lyapti. Stadionlarga kela olmayapti", deya gapirdi Inoyatov.
