Конфедерациялар Кубоги. Португалия Мексикани енга олмади

Спорт 18 Июнь 2017 9524

Конфедерациялар Кубогининг А гуруҳидаги иккинчи учрашув Қозон шаҳридаги «Казань Арена» стадионида Португалия ва Мексика терма жамоалари ўртасида ўтказилди ва 2:2 ҳисобида якунланди.

Ўйиннинг 22-дақиқасида мексикаликлар дарвозаси ишғол этилганди, аммо ҳакам видеоарбитр бу вазиятда офсайд қайд этгани туфайли голни бекор қилди.

Бўлимнинг иккинчи қисмида португаллар барибир ўз мақсадларига эришди, 34-дақиқада Роналду Рикарду Куарежмани дарвозабон билан яккама-якка ҳолатга чиқарди - 1:0.

Лекин бўлим якунланишига бир неча дақиқа қолганда мексикаликлар ҳисобни тенглаштиришди, гол муаллифи — Ҳавьер Эрнандес.

86-дақиқада португаллар яна олдинга чиқишди — жарима майдонига ёриб кирган ҳимоячи Седрик Очоани доғда қолдирди. Лекин ўйинга қўшиб берилган дақиқаларда Эктор Морено мексикаликларга дуранг натижа келтирган голни урди.

21 июнь куни Португалия «Открытие Арена» стадионида Россия билан ўйнайди, Мексика шу куни Сочида Янги Зеландия билан баҳслашади.

Эндиликда A гуруҳида вазият қуйидагича: 1. Россия — 3 очко; 2. Португалия — 1; 3. Мексика — 1; 4. Янги Зеландия — 0.

Конфедерациялар Кубоги—2017
А гуруҳи

Португалия – Мексика 2:2 (1:1, 1:1)
Голлар: 1:0 – 34 Куарежма, 1:1 – 42 Эрнандес, 2:1 – 86 Соареш, 2:2 – 90+2 Морено.
Португалия – Руй Патрисиу, Пепе, Геррейру, Соареш, Фонте, Андре Гомеш, Вильям Карвалью, Куарежма (Андре Силва, 82), Моутинью (Адриен Силва, 58), Нани (Желсон Мартинш, 58), Роналду.
Мексика – Очоа, Морено, Рейес, Лайюн, Гуардадо, Дос Сантос, Эррера, Вела (дос Сантос, 57), Сальседо (Араухо, 67), Эрнандес, Хименес (Перальта, 79).
Огоҳлантиришлар: Адриен Силва (68), Гуардадо (73), Андре Гомеш (90).