Қатар қамал шароитларида дори танқислиги муаммосига дуч келмайди

Жамият 18 Июнь 2017 4814

Қатар шифохоналари қамал шароитларида тиббий дори воситалари етишмовчилигини бошдан кечирмаяпти. Мамлакатдаги аксарият шифохоналарни бошқарувчи "Ҳамад" корпорацияси хабарига асосланган маҳаллий The Peninsula газетаси шу ҳақида маълум қилди

"Шифохоналаримиз томонидан тақдим этилаётган барча тиббий хизматлар одатдагидек кечмоқда. Хусусан, шифохонада ётиб даволанаётган беморлар ҳам барча зарур дори воситалари билан таъминланган", - дейилди корпорацияда. 

"Ҳамад" корпоратив коммуникациялар департаменти ижрочи директори Али Абдуллоҳ Ал-Хатирнинг сўзларига кўра, корпорация кўп ойлик тиббиёт материаллари заҳирасига эга. Шунингдек у дори етказиб берилишида қандайдир муаммолар юзага келган тақдирда ҳам, янги етказиб берувчиларни топиш муаммо туғдирмаслигини таъкидлаган. Маълумотларга кўра, қатарликлар бу борада йирик турк фирмалари билан музокаралар олиб боришмоқда. 

5 июнь куни Саудия Арабистони, БАА, Баҳрайн, Миср каби қатор араб мамлакатлари Қатар билан дипломатик муносабатларга чек қўйишди, бунга мамлакатнинг гўёки террорчиларни қўллаб-қувватлагани сабаб қилиб кўрсатилган.