Франция масофадан бошқарилувчи тезюрар поездлар қатновини йўлга қўймоқчи

Технология 17 Июнь 2017 2035

Франциянинг миллий темир йўл оператори SNCF 2023 йилгача тезюрар TGV автоном поездлар қатновини йўлга қўймоқчи. Бу ҳақда FranceInfo ахборот агентлиги хабар бермоқда. "Поезд-дронлар" деб аталувчи бу поездларни синовдан ўтказиш 2019 йилга белгиланган.

Янги поездлар линиялардаги тўсиқларни қайд қиладиган ва зарур бўлганда таркибни тўхтатадиган махсус датчиклар билан жиҳозланади. Автоматлаштирилган поездлар соатига 300 км тезликкача тезлаша олади. Поездларни масофадан туриб бошқариш режалаштирилмоқда, бироқ хавфсизлик даражасини ошириш ва зарур ҳолда фавқулотда чоралар кўриш учун поезд бортида йўлбошловчилар бўлади.

SNCF президенти Гийом Пепи Le Figaro нашрига берган интервьюсида агар лойиҳа муваффақиятли чиқса, унда SNCF автоматлаштирилган тезюрар поездларни ишга туширадиган дунёдаги биринчи темир йўл оператори бўлади.

SNCF директори ёрдамчиси Матье Шабанель ўз навбатида автоматлаштирилган поездларни тижорат авиалайнерларида ишлатилувчи автопилот тизимига қиёслаган.

"Самолёт кабинасида доимо учувчи бўлгани билан лайнерни автоматик бошқарувчи тизим ҳам кўзда тутилган", деб айтган Шабанель.

SNCF оператори фикрича, бундай поездларнинг ишга туширилиши TGV таркиблари тезлигини ва жўнатилиш частотасини оширишга имкон беради. Жумладан, буни TGV линияси кўплаб маҳаллий ва минтақавий темир йўл линиялари билан кесишадиган Париж атрофида амалга ошириш мумкин. Операторнинг фикрича, автоматлаштирилган йўл тизимини жорий қилиш Париж ва Лион ўртасидаги қатновлар сонини 25 фоизга оширишга кўмак беради.