«Real» hujumchisi Krishtianu Ronaldu tez vaqtlar ichida yana ota bo‘ladi, bu safar egizaklarga. The Sun tabloidi 32 yoshli futbolchining oilasiga yaqin manbaga asoslanib xabar qilishicha, bu safar u egizaklarga otalik qiladi.

AQShda istiqomat qiluvchi surrogat ona hozirda futbolchining farzandlarini qornida ko‘tarib yurgani va u yaqin vaqt ichida portugaliyalik futbolchi uchun egizaklarni dunyoga keltirishi aytilgan.

«Krishtianu oilasining yangi a'zolarini sabrsizlik bilan kutmoqda. U shaxsiy hayoti haqidagi yangiliklarni oshkor etishni istamaydi, ammo u egizaklar tez orada tug‘ilishi haqida yaqinlariga aytgan. U farzandlar tarbiyasi bilan shug‘ullanish vaqti kelganini his qilmoqda», — deyilgan xabarda.

Ayni vaqtda ushbu badavlat futbolchining  6 yoshli o‘g‘li bor va u ham surrogat onadan dunyoga kelgan.