Hindistonning GoAir aviakompaniyasi O‘zbekiston va Hindiston o‘rtasida aviareyslarni amalga oshirish uchun hukumatdan ruxsatnoma oldi. Bu haqda Hindistondagi nashrlar ma'lumotlariga asoslanib Uzdaily nashri xabar berdi.

GoAir aviakompaniyasining ijrochi direktori Volfgang Prok-Shauyerning qayd etishicha, kompaniya 2017 yilning martidan yangi yo‘nalishda uchishlarni yo‘lga qo‘yadi.

Shu tariqa, GoAir aviakompaniyasi Hindistondagi MDH mamlakatlariga reyslarni yo‘lga qo‘ygan ilk xususiy kompaniyaga aylanadi.