Manba: Turkiya flotining yo‘qolgan kemalaridan 4tasi Qora dengiz hududida

Jahon 17:04 / 19.07.2016 10356

Turkiya harbiy dengiz flotining 4ta kemasi Qora dengiz akvatoriyasida bo‘lib turibdi, shundan 2tasi Ruminiya suvlarida. Bu haqda RIA Novosti agentligi harbiy-diplomatik manbasiga asoslangan holda xabar tarqatgan.

Bundan oldinroq Times nashri Turkiya flotining 14 kemasi 15 iyul oqshomidagi voqealardan keyin harbiy bazalarga qaytmagani haqida xabar bergandi. Nashrning yozishicha, juma kuni kemalar Qora dengiz va Egey dengiziga navbatchilikka chiqishgan. Bu kema bortlarida isyonchilar borligi taxmin qilinmoqda. Ular kemalarni Gretsiyaga olib ketgan bo‘lishi mumkin.

"Hozirda Qora dengiz hududida Turkiya flotining kamida 4ta kemasi bor: 2tasi Ruminiyaning Konstansa portida, bittasi Bolgariyaning Burgase portida, yana biri esa Qora dengizning betaraf suvlarida suzmoqda. Rossiya suvlari hududida turklar kemasi yo‘q", degan manba.

Shu bilan birga u dengiz hududida suvosti kemalari bor bo‘lishi mumkinligini istisno etmagan.

Ko‘proq yangiliklar: