«Napoli»ning argentinalik hujumchisi Gonsalo Iguain Italiya chempionatining 37-turida «Torino»ga qarshi kechgan bahsda raqib darvozasiga birinchi golni urdi.
Shu tariqa, argentinalik hujumchining hisobidagi gollari soni 33taga yetdi (33ta o‘yinda). U 1958/59 yilgi mavsumdan buyon A Seriya bahslarida shunday natija qayd etgan ilk futbolchiga aylandi.
59 yil oldin «Inter»ning argentinalik legioneri Antonio Andjyellilo 33ta gol urishga muvaffaq bo‘lgandi.