Eron prezidenti Xasan Ruhoniy Tehron yaqinidagi sanoat korxonasiga tashrifi chog‘ida, mamlakat neft eksporti bir kecha-kunduzda 2,3 mln. barrelga yetgani xususida bayonot berdi.
"Eron bir kunda 2,3 mln. barrel neft va gaz kondensati eksport qilmoqda. Bu Eron Islom Respublikasining oltilik (Eron yadro dasturiga oid muzokaralarda ishtirok etgan BMT XKning 5 doimiy a'zosi va Germaniya) bilan imzolagan atom kelishuvi kuchga kirmasdan avvalgi ko‘rsatkichidan 2 marta ko‘p demakdir", — deya prezident so‘zlarini keltiradi Tasnim agentligi.
Ta'kidlash joizki, sanksiyalar bekor qilingunicha, Eron neft kompaniyalari bir kunda 1 mln. barreldan ko‘p neft eksport qila olishmagan.
Eron neft vazirligi ma'lumotlariga ko‘ra, 20 martdan e'tiboran Eron neft eksporti kuniga 2 mln. barrelga yetgan edi. Aprel oyidan boshlab qora oltin qazib olish ko‘rsatkichi kuniga 400 mingga ortib, 3,5 mln. barrelgacha yetgan. Islom Respublikasi davlat byudjyetida bir kecha-kunduzda 2,25 mln. barrel neft qazib olinishi belgilab qo‘yilgan.
Eron neft eksporti hajmini bir sutkada 2,3 mln barrelga yetkazdi
Kun Yangiliklari
O‘zbekiston bozorlaridagi oziq-ovqat mahsulotlari narxi e’lon qilindi
07:57 / 01.07.2022
22177
Noyabr oyi uchun «palov indeksi» e'lon qilindi
08:11 / 01.12.2021
33106